| Գլխավոր էջ » Հոդվածներ » Իմ հոդվածները |
SAMSUNG GEAR VR վիրտուալ իրականության սաղավարտները կբաժանեն ինքնաթիռներում
 Չնայած նրան, որ տարբեր ընկերություններ լայնորեն զարգացնում են վիրտուալ իրականության տեխնոլոգիաները՝ ստեղծելով հատուկ ակնոցներ կամ սաղավարտներ, մինչ այժմ դրանք չեն ստացել այնպիսի հանրաճանաչություն, որքան որ ցանկալի է: Նույնիսկ ամենահայտնի վիրտուալ իրականության սաղավարտ Oculus Rift-ը կարող է շատերի մոտ զարմանք առաջացնել: Սակայն որոշ արտադրողներ անում են ամեն ինչ, որպեսզի իրենց արտադրանքը շուկայում պահանջարկ վայելի: Ինչպես հաղորդում է Engadget-ը, Samsung ընկերությունը սկսել է համագործակցել ավստրալիական Qantas ավիաընկերության հետ: Այս համագործակցության շրջանակում ինքնաթիռների ուղևորները կստանան Gear VR վիրտուալ իրականության սաղավարտ Samsung-ի կողմից, որը կարող են օգտագործել ամբողջ թռիչքի ընթացքում: Հաղորդվում է, որ Gear VR կստանան միայն Մելբուրնից Սիդնեյ չվերթով, 1-ին դասով թռչող ուղևորները: Փորձարկումը կշարունակվի մոտ մեկ ամիս և արդյունքում ընկերությունը կորոշի. արժի՞ արդյոք թռիչքի ընթացքում օգտագործել վիրտուալ իրականության սաղավարտներ, թե ոչ: Բացի այս ամենից, Gear VR-ի օգտագործման ժամանակ ուղևորներին հասանելի կլինի միայն որոշակի ֆունկցիաներ, օրինակ, նրանց կցուցադրվի 1-ին դասի սրահի շրջանաձև պատկերը, ինքնաթիռի տեսքը թռիչքի և վայրէջքի պահին կամ Ավստրալիայի տեսարժան վայրերը: Մնացած ֆունկցիաները հասանելի չեն լինի, քանի որ, համաձայնվեք, որ ինքնաթիռի մեջ, թռիչքի ժամանակ անընդհատ թեքել գլուխը կամ ցատկոտել, այդքան էլ հարմար և անվտանգ չէ: | |
| Դիտումներ: 587 | |
| Մեկնաբանություններն ընդամենը՝: 0 | |